📜 Daily Prasang 📜

 📜 Daily Prasang 📜

• એકસમયે શ્રીહરિ વિજાપુરથી એકલાજ ચાલ્યા ને વડનગર પધારતા હતા. વડનગરથી છેટે બે કિલોમીટર જેટલે દૂર તળાવને કાંઠે મહાદેવના મંદિરે રોકાયા અને ત્યાંથી આવતા જતા ગામનાં વટેમાર્ગુઓ સાથે ગામમાં પોતાના પ્રેમીભકત એવા દોલીબાઇને સમાચાર મોકલાવીને કહેવરાવ્યુ કે "અમને બહુ ભુખ લાગી છે, તો ઝડપથી થાળ બનાવીને આહી આવે..!" 
• દોલીબાઇને સમાચાર મળતાં જ તેઓ હરખઘેલા થઇ ગયા, પ્રભુને જમાડવા સારું પોતે ઝડપભેર પ્રાપ્ય વસ્તુ પદાર્થથી ગરમાગરમ થાળ બનાવીને પોતે તો શ્રીહરિને જમાડવા ચાલ્યા. 
• દોલીબાઇને આજ શ્રીહરિના દર્શન અને થાળ જમાડવાનો દિવ્ય લાભ મળતા મનમાં હરખ માંતો નથી, તેઓ તો તુંરત જ ચાલીને શ્રીહરિ જે તળાવને કાંઠે ઉતરેલા ત્યાં આવ્યા અને દરશન કરીને શ્રીહરિને જમવા બેસાર્યા. 
• પોતે ઝડપભેર ઘરે અતિ પ્રેમવશ થઇને ઘરેથી ચાલ્યા ને શ્રીહરિ ને પીરસવા મંડયા એ સમયે દોલીબેનને યાદ આવ્યુ કે ઘેરથી નીકળતી વખતે જમાડવા સારું થાળી-વાટકા વગેરે વાસણ સાથે લેતા ભૂલી ગયા, પોતાને મનમાં ઘણો ખેદ થયો કે હવે હું શ્રીજીમહારાજને શેમાં જમાડીશ..? 
• દોલીબાઇના હ્રદયનાભાવને અંતર્યામીપણે જાણીને શ્રીહરિએ તુરંતજ બાજુંમાં જ પત્થરની લીસી એવી છીંટ ઉપર હાથ ફેરવી ને કહ્યુ કે 'જે કાંય ભોજન લાવ્યા છો એ અમને આ પત્થરની છીંટ ઉપર જ પીરસો, અમે તો જમી લઇશું, માટે તમે ચીંતા ન કરો." 
• અનંત કોટી બ્રહ્માંડ જેના રોમ રોમને વિશે ફરે છે એવા પુરુષોત્તમનારાયણ પોતાના પ્રેમી ભકતનો જમાડવાનો ભાવ ગ્રહણ કરતા તૈયાર કરીને લાવેલ રસોઇ એક લીસા પત્થર ઉપર જમવા માંડયા. જમીને ચળું કરીને થોડીવાર ત્યાં રોકાઇને શ્રીહરિ દોલીબાઇના આગ્રહને વશ ગામમાં પધાર્યા. 
• 
  
• આ મહાપ્રસાદીના પત્થરની છીંટ વડનગર ગામે શ્રી સ્વામિનારાયણ મંદિરમાં હાલ ભકતોને દરશન આપે છે. 
• 
  
• સદગુરૂ નિષ્કુળાનંદ સ્વામીએ શ્રીભકતચિંતામણીના પ્રકરણ ૧૧૯ની કડી ૩૯માં આ પ્રેમીભકત એવા દોલીબાઇને ચિંતવતા લખ્યા છે કે...

વડનગર વસે બહુ જન, ભકત પ્રભુના પરમ પાવન..!

બેચરાદિક દ્વિજ ભકતભાઇ, હરિજન જેઠી દોલીબાઇ..!!

- શ્રીભકતચિંતામણીના મુકતોના ચિંતનમાંથી....🙏🏻